2023 yil 27 dekabr, Samarqand. Samarqand xalqaro aeroporti, xalqaro aeroportlar Kengashining (Airports Council International, ACI Europe) Yevropa bo'linmasi reytingida yo'lovchi oqimi o'sish sur'ati bo'yicha Yevropaning eng yirik 5 aeroporti qatoriga kirdi. Oktyabr oyi yakunlari bo'yicha Samarqand aeroporti mintaqaviy va kichik aeroportlar toifasida yiliga 100 mingdan 1 milliongacha yo'lovchi oqimi bilan 4 - o'rinni egallab, 2019 yil oktyabr oyiga nisbatan 139 foizga, 10 oy yakunlari bo'yicha esa 3-o'rinni egallab, 2019 yilning shu davriga nisbatan 103,7 foizga o'sdi.
Hisobotda, shuningdek, Evropa aeroportlarining yo'lovchi tashish hajmi oktyabr oyida 2022 yilning shu oyiga nisbatan 12 foizga oshgani va pandemiyadan oldingi darajadan 2 foizga past bo'lganligi (2019 yil oktyabr) qayd etilgan.
Shu bilan birga, Samarqand xalqaro aeroporti 2022-yil oxirida yo'lovchi oqimini pandemiyadan oldingi darajaga qaytargan holda, yo'lovchilar oqimining o'sish sur'atlarini sanoatdagi o'rtacha ko'rsatkichdan ancha yuqori ko'rsatishda davom etmoqda.
Aeroportning yo‘nalishlar tarmog‘i kengayishda davom etmoqda va joriy yil boshidan buyon Samarqanddan 7 ta ichki va 20 ta xalqaro yo‘nalishlarda parvozlar amalga oshirildi. Ulardan Tel-Aviv, Urumchi, Jidda, Quvayt, Izmir, Mineralniye Vodi, Ufa va Samara, Urganch birinchi marta ochildi.
Joriy yilning oxirigacha aeroport o‘zining tarixiy maksimalini yengib, birinchi millioninchi yo‘lovchiga xizmat ko‘rsatishni rejalashtirmoqda.
