2024 yil 8 fevral, Samarqand. Samarqand xalqaro aeroporti xalqaro aeroportlar Kengashining (Airports Council International, ACI Europe) Yevropa bo'linmasi reytingida yo'lovchi oqimi o'sish sur'ati bo'yicha eng tez rivojlanayotgan aeroportlarning eng yaxshi 5 taligiga kirdi.
"Yevropa xalqaro aeroportlari kengashi" (ACI Europe) sanoat assotsiatsiyasi yillik hisobotini e'lon qildi, unda Yevroosiyo aeroportlarining yo'lovchi oqimi bo'yicha ma'lumotlar taqdim etildi. 2023 yil yakunlariga ko'ra, Samarqand aeroporti o'z toifasida 3-o'rinni egalladi (yiliga 100 mingdan 1 million yo'lovchigacha), 2019 yilning shu davriga nisbatan 109,8 foizga o'sdi.
Eslatib o'tamiz, Samarqand xalqaro aeroporti 2023-yilda o'z tarixida birinchi marta 1 million ko'rsatkichdan oshib, 1 010 938 yo'lovchiga xizmat ko'rsatgan, bu 2022-yildagi rekord ko'rsatkichdan 104,9 foizga yoki 517 521 yo'lovchiga ko'p.
Hozirgi vaqtda Samarqand xalqaro aeroportining yangi terminalini boshqaradigan Air Marakanda kompaniyasi 24 ta aviakompaniya bilan faol hamkorlik qilmoqda va Samarqand aeroportidan 18 ta yo'nalish bo'yicha reyslar amalga oshirilmoqda, ulardan 16 tasi xalqaro va 2 tasi ichki.
