Fitosanitariya nazorati O‘zbekiston Respublikasi bojxona chegarasi orqali olib o‘tilayotgan (shu jumladan tranzit qilinayotgan) tovarlar, karantin ostidagi mahsulotlar hamda o‘simliklarni tekshirish maqsadida o‘simliklar karantini bo‘yicha davlat inspektorlari tomonidan chegara o‘tkazish punktlarida amalga oshiriladi.

Karantin ostidagi mahsulotlarda karantin obyektlari (xalqaro miqyosda karantin ahamiyatiga ega bo‘lgan zararli organizmlar) aniqlangan taqdirda, O‘simliklar karantini bo‘linmalari ushbu mahsulotlarni ushlab turish, olib qo‘yish yoki zarurat tug‘ilganda qaytarish huquqiga ega.