2025-yil 25-noyabr, Samarqand. Samarqand xalqaro aeroporti boshqaruvchisi "AIR MARAKANDA" MChJ - xalqaro standartlar asosida yer usti xizmatlari xavfsizligini oshirishga qaratilgan uzoq muddatli har yillik “0 insident, 0 aviahalokatsiz 365 kun" shiori ostida o'z dasturini ishga tushirganini e’lon qiladi.
Loyihaning asosiy maqsadi — xavflarni oldindan aniqlash va kamaytirishga qaratilgan profilaktik nazorat tizimini yaratish, xatoliklar sodir etilishi oldini olish hamda yer usti xizmatlarining yil davomida uzluksiz va xavfsiz amalga oshirilishini ta’minlashdir. Ushbu loyiha xodimlarning faol xavflarni aniqlashi va xabar berishini rag‘batlantirish, xavfsizlik madaniyatini rivojlantirish, professional intizomni kuchaytirish va xavfsizlik standartlarini yanada mustahkamlashga xizmat qiladi.
Dastur barcha tegishli bo‘limlar faoliyatining kundalik monitoring qilish va tahlil etishga asoslanadi. Jamiyatning parvozlar xavfsizligini boshqarish bo‘yicha mutaxassislari har bir xizmat ko‘rsatish bosqichini kundalik ravishda qayd etib boradi, mavjud nomuvofiqliklarni aniqlaydi va ularni bartaraf etish bo‘yicha zudlik bilan choralar ko‘radi.
Ma'lumki, parvozlar xavfsizligi bu bosh ustuvor yo‘nalishidir. “0 insident, 0 aviahalokatsiz 365 kun" dasturi nafaqat ichki xizmat dasturi, balki yo‘lovchilar hamda hamkorlarning ishonchni oshirish, xizmat xavfsizligini yanada kuchaytirishga qaratilgan strategik ahamiyatga ham ega tashabbusdir.
Uzoq muddatli istiqbolda mazkur loyiha aeroportning keyingi rivojlanishi, innovatsion yechimlarni joriy etish va Samarqand xalqaro aeroportining mintaqaviy aviatsiya markazi sifatidagi raqobatbardoshligini oshirish uchun mustahkam poydevor bo‘lib xizmat qiladi.
Qo'shimcha ma'lumot:
AIR MARAKANDA – O‘zbekiston Respublikasi aviatsiya sohasida birinchi davlat-xususiy sheriklik asosidagi loyiha doirasida Samarqand xalqaro aeroportining yangi terminaliga yer usti xizmati ko‘rsatish va boshqarish bo‘yicha operator-kompaniya. Samarqand aeroportining yangi xalqaro terminali uch yildan buyon ketma-ket World Airport Awards (SKYTRAX) xalqaro aeroportlar reytingida Markaziy Osiyo mintaqasi bo‘yicha yetakchi o‘ntalikka kirdi. Yevropaning ACI Europe tashkiloti tomonidan e’lon qilingan 2024-yilning birinchi yarim yilligi natijalariga ko‘ra, Samarqand xalqaro aeroporti o’rta toifali aeroportlar orasida ikkinchi o‘rinni egalladi.
AIR MARAKANDA matbuot bo’limi
Теl.: +998 97 9078767
Email: pr@airmarakanda.com
Sayt: https://samarkandairport.com/
