Самарқанд транспорт прокурори Б.Н.Алихонов томонидан тегишли ҳуқуқни муҳофаза қилиш органлари билан ҳамкорликда Самарқанд халқаро аэропорти «AIR MARAKANDA» компаниясида Ўзбекистонда 2026 йил 15 январдан 28 февралгача аҳоли ва қишлоқ хўжалигини рўйхатга олиш тадбири ўтказилаётганлиги юзасидан йиғилиш ўтказилди.
Мазкур йиғилишда ходимларга рўйхатга олиш икки усулда 2026 йил 15 январдан 31 январгача census.stat.uz (https://census.stat.uz/) сайти орқали, 4 февралдан 28 февралгача эса махсус ходимлар томонидан уйма-уй рўйхатга олиш ишлари амалга оширилиши, бу жараён аҳолининг ёши, оилавий ҳолати, таълим даражаси, иш билан бандлиги, миграция жараёнлари, даромад манбалари ҳамда қишлоқ хўжалигида ердан фойдаланиш, чорвачилик, паррандачилик ва бошқа кўрсаткичлар бўйича ягона маълумотлар базасини шакллантиришга қаратилганлиги ҳамда барча фуқаролар мазкур жараёнда фаол бўлишлари юзасидан тегишли тушунтиришлар берилди.
Бу борада тадбирлар бошқа корхона ва ташкилотларда ҳам давом эттирилмоқда.
Qo'shimcha ma'lumot:
AIR MARAKANDA – O‘zbekiston Respublikasi aviatsiya sohasida birinchi davlat-xususiy sheriklik asosidagi loyiha doirasida Samarqand xalqaro aeroportining yangi terminaliga yer usti xizmati ko‘rsatish va boshqarish bo‘yicha operator-kompaniya. Samarqand aeroportining yangi xalqaro terminali uch yildan buyon ketma-ket World Airport Awards (SKYTRAX) xalqaro aeroportlar reytingida Markaziy Osiyo mintaqasi bo‘yicha yetakchi o‘ntalikka kirdi. Yevropaning ACI Europe tashkiloti tomonidan e’lon qilingan 2024-yilning birinchi yarim yilligi natijalariga ko‘ra, Samarqand xalqaro aeroporti o’rta toifali aeroportlar orasida ikkinchi o‘rinni egalladi.
AIR MARAKANDA matbuot bo’limi
Теl.: +998 97 907 8767
Email: pr@airmarakanda.com
